Аляксандр Мілінкевіч: Незалежнасць – абсалютная каштоўнасць

У ЕГУ прайшла сустрэча лідэра Руху "За Свабоду" Аляксандра Мілінкевіча са студэнтамі гэтай навучальнай установы.

Падчас адказаў на пытанні студэнтаў Мілінкевіч шмат казаў пра важнасць абароны незалежнасці нашай краіны, распавёў пра свой намер удзельнічаць у наступных прэзідэнцкіх выбарах, пра сваё стаўленне да Лукашэнкі, да Барака Абамы, пра сустрэчу з кіраўніком адміністрацыі Макеем і інш.

Напрыканцы сустрэчы, Аляксандр Мілінкевіч звярнуўся да студэнтаў ЕГУ: "Вы - будучая эліта Беларусі, таму вы тут мусіце схапіць як мага больш патрыятызму і ведаў пра сапраўдную гісторыю нашай краіны".

Паводле відавочцаў, атмасфера сустрэчы была вельмі цёплай.