Валярына Кустава

У нашым раёне жыве дзяўчына-паэтка і надзвычай яскравая асоба Валярына Кустава.

Выпускніца магістратуры Беларускай дзяржаўнай акадэміі мастацтваў сёння мае ўжо тры зборнікі паэзіі. Гэта «Кроў Сусьвету» (1996), «Каб неба сагрэць...» (2004) і «Тамсама» (2006). Першая нізка яе вершаў выйшла ў часопісе “Бярозка”, калі Валярыне было 7 гадоў. А ў 19 яна стала сябрам Саюза беларускіх пісьменнікаў. Яе творы перакладаліся на некалькі моваў. Ды і сама Валярына перакладае з расейскай, польскай і французскай. Акрамя таго, яна піша песні, з’яўляецца аўтарам шматлікіх публікацый у перыёдыцы.